PRIMEUR:

Dag meneer, kzien nie depressief. Totdaj da bladje schrieft
“Identiteitscrisis?? deur al die stempels ip je lief!!!”
Monin ak peizn : wie zie kik? Ton zeggek: lik men pa en ma
Oedipuscomplex? Benin da noem kik DNA

Klegn men oar nooit in e splette, ken massas scheidingsangst
En komt mè gin bloemn wan van die binding wordk ambetant
Kmakn me dikke lik gie, anorexia van de stress
Mensenschuw,podiumvrees, beist da brigadier spit

BRIGADIER:

me la tourette “fack” “shit” ik slaan volledig deure
kzien zodanig associaal dak liever klappen tegen e meure
e dikke masochist, ik kdraaien zo gern men eigen viezen los
getallenobsessie dus rippek velo’s met e cijferslot

kzien ook e pyromaan en ksteken ier de zale in de fik
e nymfomaan en beist de sex et mienen pik lik e tik
stikket up dyslexie, veel mc’s klappen lik chinees
en under zever is besmettelijk en ken smetvrees

HOOK:

Neen ken ze nie allemolle up e reke staan
Mo wien ister nu nog echt normaal
Ik en e krak imme kop mo kzien nog lange nie zot
Ik zien ant schrieven an men eigen verhaal

PRIMEUR:

ziej je lager dan de standaard tan zieje al lange verloren
speciaal geval abnormaal wen overal e name voorn
khoorn diagnoses mo das vo niet nodig
want wen toch therapie vor al die zieltjes te verkopen

moestk e dokteur zien, maaktek piln tegen het ego
iedreen geneezn met e theetje van placebo’s
plastich geboorn dus we worden al gevormd
benin je kind is nie zo stom, tis gie die were tekort komt

BRIGADIER:

neen, ik zien nie helemoale normaal
mo kzien dr trots up, tenminste nie geweune banaal
jup, e fout in me taal, mo zien de charme in me gebreken
kgeven gen reet om al je normen ik willen tmeeste van mezelven geven

ik kieken nie up mor ook nie nere, kappreciëren
randgevallen over omhooggevallen pikken die het vertikken
van de trots in te slikken neen ze beseffen nie ,
ze lijden an de ergste ziekte in de maatschappij hypocrisie