De schone schijn

from by Trisomie

/

lyrics

Dertig jaar geleedn, twoasn tend de joarn zeventig
Dn jiste kus werd gegeevn, em en eur… tschone leventje
Thope staan ze sterk en ieder pad up under weg
Vergt gin druppel zweet, zelfs de liefde is onbevlekt

Twas zo gjistig mè tweejn, mo dr kwam een accidentje bie
Twas nie echt gepland van zo te goan mo da stoorde nie
zie wou zo gern moeder zien, en em ku goed ze brood verdien
gemakt vo mekoar , en ze komn kloar ip de zelfste tiedn

nieuwe toekomstplan, toestemming vraagn an de vader
zodatie zere die ring rond eur hand kut angn
traditie laatn geldn , meldn daj vul zit van ne sneln
trouwn mè toeters en beln zodazet deureverteln


alle twijfels gan gaan vliegen met die witte duiven
e trouw vo de kerk is eeuwig en azo gaat bluven
teerste kindje is e zoon ,huisje tuintje boom
vader vult de kassa en de kassa voedt de droom

( ze zeggen)
belgen zien geboren met e baksteen in de maag
mo vader ga wel lenen want da sparen ging te traag
em wouwet goedkoop, mo zie et vee gezaagt
"'vetste kot van de buurt dat us imago draagt"

ze werd zwanger van e meisje twas echt vees te ideaal
e model gezin veranderd in e soap verhaal
schone kinders schoon kot en schone auto
tleven is perfect lik de familie foto



en bie vader gaatr niet verkeerd, wan ne word gepromoveerd
baas vant werk en de privé, zondr datie twa probeert
tleven lacht em toe en ze vrouwtje lacht mee
de kinders wordn grotter , pa is trots, wan tis al oké

pa doejen oogn open want tis allemalle schijn
kost toch peizn da niemands leven zo schone ku zien
je dochter is e HO, zeuntje got amper na tschool
zonder vader, nix laatn mè verkeerde maat nip tsjool

moeder is overgbleevn met e leeg nest
de kinders altied weg en eur vint zit ip ze werk
de flesse drank in eur and geklampt .wa dat ergst is
ze bluft zitn mè shit, mo doe lik dat perfect is

zie is 16 en zwanger ga nie langer nat schole
ouders weten were van niet want zis hele dagen ant tsjolen
em is 17 et al e naalde in zen arm gezien
zoekt geluk in de dope want tleven et niemi te bieden

vader wit nooit vaniet alleen oog vo ze carriere
zet nooit goeste vo te neuken dus nu fuckt ie de stagaire
zie zuipt eur pletter en smiet eur handoek in de ring
tis eur zeune die eur s’avond up de groend ga werevinden

alle ogen gan open de feiten droppen ik e bom
wrm moe zukke shit goeie mensen overkomen?
an de som van de miserie word er zwoare getilt
vader kopt e gun en et zen eigen familie gekilt

credits

from Binnestebutn, released May 25, 2013
Tekst: Primeur - Brigadier
Beat en productie : Brigadier
Mastered By tradd

tags

license

all rights reserved

about

Trisomie Gent, Belgium

contact / help

Contact Trisomie

Streaming and
Download help